Reading Mode Quiz Mode


Book1
331
κοιρανέων Τρητοῖο Νεμείης ἠδ᾽ Ἀπέσαντος:
Book1
332
ἀλλά ἲς ἐδάμασσε βίης Ἡρακληείης.
Book1
333
Κητὼ δ᾽ ὁπλότατον Φόρκυι φιλότητι μιγεῖσα
Book1
334
γείνατο δεινὸν ὄφιν, ὃς ἐρεμνῆς κεύθεσι γαίης
Book1
335
πείρασιν ἐν μεγάλοις παγχρύσεα μῆλα φυλάσσει.
Book1
336
τοῦτο μὲν ἐκ Κητοῦς καὶ Φόρκυνος γένος ἐστίν.
Book1
337
Book1
337
Book1
337
Τηθὺς δ᾽ Ὠκεανῷ Ποταμοὺς τέκε δινήεντας,
Book1
338
Νεῖλόν τ᾽ Ἀλφειόν τε καὶ Ἠριδανὸν βαθυδίνην
Book1
339
Στρυμόνα Μαίανδρόν τε καὶ Ἴστρον καλλιρέεθρον
Book1
340
Φᾶσίν τε Ῥῆσόν τ᾽ Ἀχελώιόν τ᾽ ἀργυροδίνην
Book1
341
Νέσσον τε Ῥοδίον θ᾽ Ἁλιάκμονά θ᾽ Ἑπτάπορόν τε
Book1
342
Γρήνικόν τε καὶ Αἴσηπον θεῖόν τε Σιμοῦντα
Book1
343
Πηνειόν τε καὶ Ἕρμον ἐυρρείτην τε Κάικον
Book1
344
Σαγγάριόν τε μέγαν Λάδωνά τε Παρθένιόν τε
Book1
345
Εὔηνόν τε καὶ Ἄρδησκον θεῖόν τε Σκάμανδρον.
Book1
346
τίκτε δὲ θυγατέρων ἱερὸν γένος, αἳ κατὰ γαῖαν
Book1
347
ἄνδρας κουρίζουσι σὺν Ἀπόλλωνι ἄνακτι
Book1
348
καὶ Ποταμοῖς, ταύτην δὲ Διὸς πάρα μοῖραν ἔχουσι,
Book1
349
Πειθώ τ᾽ Ἀδμήτη τε Ἰάνθη τ᾽ Ἠλέκτρη τε
Book1
350
Δωρίς τε Πρυμνώ τε καὶ Οὐρανίη θεοειδὴς
Book1
351
Ἱππώ τε Κλυμένη τε Ῥόδειά τε Καλλιρόη τε
Book1
352
Ζευξώ τε Κλυτίη τε Ἰδυῖά τε Πασιθόη τε
Book1
353
Πληξαύρη τε Γαλαξαύρη τ᾽ ἐρατή τε Διώνη
Book1
354
Μηλόβοσίς τε Φόη τε καὶ εὐειδὴς Πολυδώρη
Book1
355
Κερκηίς τε φυὴν ἐρατὴ Πλουτώ τε βοῶπις
Book1
356
Περσηίς τ᾽ Ἰάνειρά τ᾽ Ἀκάστη τε Ξάνθη τε
Book1
357
Πετραίη τ᾽ ἐρόεσσα Μενεσθώ τ᾽ Εὐρώπη τε
Book1
358
Μῆτίς τ᾽ Εὐρυνόμη τε Τελεστώ τε Κροκοπεπλος
Book1
359
Χρυσηίς τ᾽ Ἀσίη τε καὶ ἱμερόεσσα Καλυψὼ
Book1
360
Εὐδώρη τε Τύχη τε καὶ Ἀμφιρὼ Ὠκυρόη τε


Hesiod. The Homeric Hymns and Homerica with an English Translation by Hugh G. Evelyn-White. Theogony. Cambridge, MA.,Harvard University Press; London, William Heinemann Ltd. 1914.
The Annenberg CPB/Project provided support for entering this text.
XML for this text provided by Trustees of Tufts University Perseus Project