Reading Mode Quiz Mode


Book1
691
ἴκταρ ἅμα βροντῇ τε καὶ ἀστεροπῇ ποτέοντο
Book1
692
χειρὸς ἄπο στιβαρῆς, ἱερὴν φλόγα εἰλυφόωντες
Book1
693
ταρφέες: ἀμφὶ δὲ γαῖα φερέσβιος ἐσμαράγιζε
Book1
694
καιομένη, λάκε δ᾽ ἀμφὶ πυρὶ μεγάλ᾽ ἄσπετος ὕλη.
Book1
695
ἔζεε δὲ χθὼν πᾶσα καὶ Ὠκεανοῖο ῥέεθρα
Book1
696
πόντος τ᾽ ἀτρύγετος: τοὺς δ᾽ ἄμφεπε θερμὸς ἀυτμὴ
Book1
697
Τιτῆνας χθονίους, φλὸξ δ᾽ αἰθέρα δῖαν ἵκανεν
Book1
698
ἄσπετος, ὄσσε δ᾽ ἄμερδε καὶ ἰφθίμων περ ἐόντων
Book1
699
αὐγὴ μαρμαίρουσα κεραυνοῦ τε στεροπῆς τε.
Book1
700
καῦμα δὲ θεσπέσιον κάτεχεν Χάος: εἴσατο δ᾽ ἄντα
Book1
701
ὀφθαλμοῖσιν ἰδεῖν ἠδ᾽ οὔασι ὄσσαν ἀκοῦσαι
Book1
702
αὔτως, ὡς εἰ Γαῖα καὶ Οὐρανὸς εὐρὺς ὕπερθε
Book1
703
πίλνατο: τοῖος γάρ κε μέγας ὑπὸ δοῦπος ὀρώρει
Book1
704
τῆς μὲν ἐρειπομένης, τοῦ δ᾽ ὑψόθεν ἐξεριπόντος:
Book1
705
τόσσος δοῦπος ἔγεντο θεῶν ἔριδι ξυνιόντων.
Book1
706
σὺν δ᾽ ἄνεμοι ἔνοσίν τε κονίην τ᾽ ἐσφαράγιζον
Book1
707
βροντήν τε στεροπήν τε καὶ αἰθαλόεντα κεραυνόν,
Book1
708
κῆλα Διὸς μεγάλοιο, φέρον δ᾽ ἰαχήν τ᾽ ἐνοπήν τε
Book1
709
ἐς μέσον ἀμφοτέρων: ὄτοβος δ᾽ ἄπλητος ὀρώρει
Book1
710
σμερδαλέης ἔριδος, κάρτος δ᾽ ἀνεφαίνετο ἔργων.
Book1
711
ἐκλίνθη δὲ μάχη: πρὶν δ᾽ ἀλλήλοις ἐπέχοντες
Book1
712
ἐμμενέως ἐμάχοντο διὰ κρατερὰς ὑσμίνας.
Book1
713
οἳ δ᾽ ἄρ᾽ ἐνὶ πρώτοισι μάχην δριμεῖαν ἔγειραν
Book1
714
Κόττος τε Βριάρεώς τε Γύης τ᾽ ἄατος πολέμοιο,
Book1
715
οἵ ῥα τριηκοσίας πέτρας στιβαρῶν ἀπὸ χειρῶν
Book1
716
πέμπον ἐπασσυτέρας, κατὰ δ᾽ ἐσκίασαν βελέεσσι
Book1
717
Τιτῆνας, καὶ τοὺς μὲν ὑπὸ χθονὸς εὐρυοδείης
Book1
718
πέμψαν καὶ δεσμοῖσιν ἐν ἀργαλέοισιν ἔδησαν
Book1
719
χερσὶν νικήσαντες ὑπερθύμους περ ἐόντας,
Book1
720
τόσσον ἔνερθ᾽ ὑπὸ γῆς, ὅσον οὐρανός ἐστ᾽ ἀπὸ γαίης:


Hesiod. The Homeric Hymns and Homerica with an English Translation by Hugh G. Evelyn-White. Theogony. Cambridge, MA.,Harvard University Press; London, William Heinemann Ltd. 1914.
The Annenberg CPB/Project provided support for entering this text.
XML for this text provided by Trustees of Tufts University Perseus Project