Reading Mode Quiz Mode


Book1
781
ἀγγελίην πωλεῖται ἐπ᾽ εὐρέα νῶτα θαλάσσης.
Book1
782
ὁππότ᾽ ἔρις καὶ νεῖκος ἐν ἀθανάτοισιν ὄρηται
Book1
783
καί ῥ᾽ ὅστις ψεύδηται Ὀλύμπια δώματ᾽ ἐχόντων,
Book1
784
Ζεὺς δέ τε Ἶριν ἔπεμψε θεῶν μέγαν ὅρκον ἐνεῖκαι
Book1
785
τηλόθεν ἐν χρυσέῃ προχόῳ πολυώνυμον ὕδωρ
Book1
786
ψυχρόν, ὅτ᾽ ἐκ πέτρης καταλείβεται ἠλιβάτοιο
Book1
787
ὑψηλῆς: πολλὸν δὲ ὑπὸ χθονὸς εὐρυοδείης
Book1
788
ἐξ ἱεροῦ ποταμοῖο ῥέει διὰ νύκτα μέλαιναν
Book1
789
Ὠκεανοῖο κέρας: δεκάτη δ᾽ ἐπὶ μοῖρα δέδασται:
Book1
790
ἐννέα μὲν περὶ γῆν τε καὶ εὐρέα νῶτα θαλάσσης
Book1
791
δίνῃς ἀργυρέῃς εἱλιγμένος εἰς ἅλα πίπτει,
Book1
792
δὲ μί᾽ ἐκ πέτρης προρέει μέγα πῆμα θεοῖσιν.
Book1
793
ὅς κεν τὴν ἐπίορκον ἀπολλείψας ἐπομόσσῃ
Book1
794
ἀθανάτων, οἳ ἔχουσι κάρη νιφόεντος Ὀλύμπου,
Book1
795
κεῖται νήυτμος τετελεσμένον εἰς ἐνιαυτόν:
Book1
796
οὐδέ ποτ᾽ ἀμβροσίης καὶ νέκταρος ἔρχεται ἆσσον
Book1
797
βρώσιος, ἀλλά τε κεῖται ἀνάπνευστος καὶ ἄναυδος
Book1
798
στρωτοῖς ἐν λεχέεσσι, κακὸν δέ κῶμα καλύπτει.
Book1
799
αὐτὰρ ἐπεὶ νοῦσον τελέσῃ μέγαν εἰς ἐνιαυτόν,
Book1
800
ἄλλος γ᾽ ἐξ ἄλλου δέχεται χαλεπώτερος ἄεθλος.
Book1
801
εἰνάετες δὲ θεῶν ἀπαμείρεται αἰὲν ἐόντων,
Book1
802
οὐδέ ποτ᾽ ἐς βουλὴν ἐπιμίσγεται οὐδ᾽ ἐπὶ δαῖτας
Book1
803
ἐννέα πάντα ἔτεα: δεκάτῳ δ᾽ ἐπιμίσγεται αὖτις
Book1
804
εἴρας ἐς ἀθανάτων, οἳ Ὀλύμπια δώματ᾽ ἔχουσιν.
Book1
805
τοῖον ἄρ᾽ ὅρκον ἔθεντο θεοὶ Στυγὸς ἄφθιτον ὕδωρ
Book1
806
ὠγύγιον, τὸ δ᾽ ἵησι καταστυφέλου διὰ χώρου.
Book1
807
Book1
807
Book1
807
ἔνθα δὲ γῆς δνοφερῆς καὶ Ταρτάρου ἠερόεντος
Book1
808
πόντου τ᾽ ἀτρυγέτοιο καὶ οὐρανοῦ ἀστερόεντος
Book1
809
ἑξείης πάντων πηγαὶ καὶ πείρατ᾽ ἔασιν
Book1
810
ἀργαλέ᾽ εὐρώεντα, τά τε στυγέουσι θεοί περ.


Hesiod. The Homeric Hymns and Homerica with an English Translation by Hugh G. Evelyn-White. Theogony. Cambridge, MA.,Harvard University Press; London, William Heinemann Ltd. 1914.
The Annenberg CPB/Project provided support for entering this text.
XML for this text provided by Trustees of Tufts University Perseus Project