Reading Mode Quiz Mode


Book1
941
μιχθεῖσ᾽ ἐν φιλότητι, Διώνυσον πολυγηθέα,
Book1
942
ἀθάνατον θνητή: νῦν δ᾽ ἀμφότεροι θεοί εἰσιν.
Book1
943
Ἀλκμήνη δ᾽ ἄρ᾽ ἔτικτε βίην Ἡρακληείην
Book1
944
μιχθεῖσ᾽ ἐν φιλότητι Διὸς νεφεληγερέταο.
Book1
945
ἀγλαΐην δ᾽ Ἥφαιστος, ἀγακλυτὸς ἀμφιγυήεις,
Book1
946
ὁπλοτάτην Χαρίτων θαλερὴν ποιήσατ᾽ ἄκοιτιν.
Book1
947
χρυσοκόμης δὲ Διώνυσος ξανθὴν Ἀριάδνην,
Book1
948
κούρην Μίνωος, θαλερὴν ποιήσατ᾽ ἄκοιτιν.
Book1
949
τὴν δέ οἱ ἀθάνατον καὶ ἀγήρω θῆκε Κρονίων.
Book1
950
ἥβην δ᾽ Ἀλκμήνης καλλισφύρου ἄλκιμος υἱός,
Book1
951
ἲς Ἡρακλῆος, τελέσας στονόεντας ἀέθλους,
Book1
952
παῖδα Διὸς μεγάλοιο καὶ Ἥρης χρυσοπεδίλου,
Book1
953
αἰδοίην θέτ᾽ ἄκοιτιν ἐν Οὐλύμπῳ νιφόεντι,
Book1
954
ὄλβιος, ὃς μέγα ἔργον ἐν ἀθανάτοισιν ἀνύσσας
Book1
955
ναίει ἀπήμαντος καὶ ἀγήραος ἤματα πάντα.
Book1
956
ἠελίῳ δ᾽ ἀκάμαντι τέκεν κλυτὸς Ὠκεανίνη
Book1
957
Περσηὶς Κίρκην τε καὶ Αἰήτην βασιλῆα.
Book1
958
Αἰήτης δ᾽ υἱὸς φαεσιμβρότου Ἠελίοιο
Book1
959
κούρην Ὠκεανοῖο τελήεντος ποταμοῖο
Book1
960
γῆμε θεῶν βουλῇσιν Ἰδυῖαν καλλιπάρῃον.
Book1
961
δέ οἱ Μήδειαν ἐύσφυρον ἐν φιλότητι
Book1
962
γείναθ᾽ ὑποδμηθεῖσα διὰ χρυσέην Ἀφροδίτην.
Book1
963
Book1
963
Book1
963
ὑμεῖς μὲν νῦν χαίρετ᾽, Ὀλύμπια δώματ᾽ ἔχοντες,
Book1
964
νῆσοί τ᾽ ἤπειροί τε καὶ ἁλμυρὸς ἔνδοθι πόντος.
Book1
965
νῦν δὲ θεάων φῦλον ἀείσατε, ἡδυέπειαι
Book1
966
Μοῦσαι Ὀλυμπιάδες, κοῦραι Διὸς αἰγιόχοιο,
Book1
967
ὅσσαι δὴ θνητοῖσι παρ᾽ ἀνδράσιν εὐνηθεῖσαι
Book1
968
ἀθάναται γείναντο θεοῖς ἐπιείκελα τέκνα.
Book1
969
Δημήτηρ μὲν Πλοῦτον ἐγείνατο, δῖα θεάων,
Book1
970
Ἰασίων᾽ ἥρωι μιγεῖσ᾽ ἐρατῇ φιλότητι


Hesiod. The Homeric Hymns and Homerica with an English Translation by Hugh G. Evelyn-White. Theogony. Cambridge, MA.,Harvard University Press; London, William Heinemann Ltd. 1914.
The Annenberg CPB/Project provided support for entering this text.
XML for this text provided by Trustees of Tufts University Perseus Project